سنه رايحة وسنه جايه والدنيا بينا داريرة شوية بنتوه معاها
وشوية بتقول ايه اخرة الحكاية في وسط مية حكاية وحكاية
لا إخترنا بدايتها ولا عارفين نهايتها
غير إننا عايشين في أزمتها بحلوها ومرها
مقضينها لغاية ما ربنا يفرجها
ماهو ربنا فرجه كبير وخيره عظيم
بس احنا ساعات بنعمل نفسنا مش شايفين
علشان نفضل نعاند في حوار مش هيفيد
وأنت مش مستفيد غير إنه وقت من عمرك بيضيع
وتفضل تقول ده عيب السنين وأنت اللي مسكين يا عم روح
بص لحالك وشوف انت هتفضل كده على طول مقضيها بالطول وبالعرض ولا بيهمك أي حد
لا
اصحى وفوق ده ربنا موجود عالم بالقلوب وما تخفى الصدور
صلح حالك ونفسك وخرج كل اللي في نفسك لربك
ولا تخلى الشيطان يضيع نفسكودايما يقول لك انت مظلوم وضحية
وكل الناس اللي حواليك ظالمين وأنت الضحية
ويقول لك انتقم منهم ولا يهمك أنت أخذت ايه منهم
يعنى أى أحد يقف فى طريقك خلص عليه
وفجأة تلاقى نفسك مهزوم ومكسور ومش لاقى طاقة نور جوة قلبك اللى بقى كله سواد وحقد
من كل خلق الله خلاص ضحك عليك الشيطان اللى بيقى ساعات كتيرة فى صورة إنسان يفضل يوسس لك زى الشيطان ويغدر بيك ويخونك وسيبك لوحدك تفضل تندب حظك .
ما كان قدامك طريق الحق طريق العدل طريق العقل والضمير اللى جواك ولا خلاص مات الضمير وبقيت بقايا إنسان.
لا يا إنسان أوعى يموت الضمير اللى جواك عقلك فى راسك اسجد لله الواحد القهار وتوكل على الله حاول تساعد نفسك قوى إيمانك بالله صالح نفسك على نفسك حاول مرة واتنين وثلاثة أوعى اليأس يسكن جواك دور على أبوك وأمك واترمى فى حضنهم دى صلة الرحم نجاة.
دور على صاحب صادق يقف جنبك ويدلك على الصح فين من الغلط وأبعد كل صاحب سوء .
خليك دايما متاكد إنك مع الله هتكون دايما مسرور وكل سنة وأنتم طيبين وسعيدة وربنا يجعلها سنة خير علينا وعلى مصرنا العزيزة بكل خير وان نتحد جميعا ونكون أيد واحدة ضد أهل الشر بقوة وطنيتنا وثقتنا بالله وفى أنفسنا.