طبعا دي مشكلة اخ وحابب مساعدة بشو تفيدوه!؟
السلام عليكم . ياريت من غير ذكر اسمي تعرض مشكلتي الله يستر عليك خوي مستشار .. و نتمنى تساعدوني لأن بجد انخنقت وأول مره نعجز ف حل مشكله . عمري 26 سنه . تعرفت ع بنت من 3 سنين فاتو ونحكو عادي مافيش سيرت زواج ف بالنا فتره وتعدي سنه الاولى من علاقتنا كانت إحترام و هدرزه عاديه بعدها تطورت ل زنى الهاتف وتعودنا ع بعض وحفظنا سر بعض وعارف يجيها نصيبها يوم من الايام و نبعدو . بعدها جي نصيبها . . والطامه والمصيبه نصيبها ف خوي ولد أمي وبوي. و إللي أحرف من هكي لما خطبها كنت مسافر 5 شهور وماسمعتش بالتفاصيل وماسألتش من عيلت من خطب وإللي قاهرني البنت سكتت عالموضوع وماقالتليش وكانت عارفاته خوي والمشكله ف فرق سن بيني و بين خوي لكن مش واجد لكن ف إحترام وقدر ومافيش إحتكاك واجد . لي عند روحت و سمعت من العيله و بيحددو حت موعد العرس غير الأحدات أجلت الموضوع شوي . إنصدمت وإتصلت بيها قالت هدا نصيبي إللي تستنى فيه بيش تفوتني جي ف خوك وعارفني نحبك وهادي فرصه نكون جنبك وقدام عينك . أنا صكرت ف وجهها . دزت مسج و هددتني كان بتقول حت نا بنقول مع إنها ع ساس طيبه ف البدايه وفجأه بدت شيطان . توا شن الحل ف هالمصيبه . نقول لخوي فوتها البنت بيقول علاش أنا شن ب نرد ولو ألفت قصه لخوي بيتصل بيها و بتزيد طين بله . شن الحل ومش هامني ردودكم وبنشوف الحلول فقط ومن ذكر الأسم .